I barricad del '48

( 5 giornate di Milano 18-22 marzo 1848 )

I barricad del '48 )

Viva l'Italia! abbas la polizia
E lì, foeura coccard, foeura bander,
di poggiaeu, di finester, di ringher!
L'era una scènna noeuva,
granda, piènna, vegnuda a l'imprevista,
sul fà de gust, ch'el proeuva
un orb quand el recupera la vista!
....(i barricad).....Hinn una meraveja
che passa tutti i sforz de fantasia!
Gira Milan, cuntrada per cuntrada
e vedè deppertutt, ogni tucchèll,
la cà purtada in strada,
dai trappol del suree, fina al vassèll!
materazz e ciffun, banch e pajun,
vestee, bauj, cardenz,
antiport, capponèr cunt i cappun,
omnibus, diligenz,
legn de la curt, furgun,
mèd de s' cènn, de fassin e de letamm,
cass, cassettun, barì!
i pu bei equipagg di noster damm.

Giovanni Raiberti
( il marzo 1948 )